UA RU BY EN
Тэмы Аўтары
Адкрыць патэнцыял Царквы
для грамадзтва
Наша мара і бачанне – пабачыць, як Бог змяняе народы Ўсходняй Эўропы!

Першы Ўсходнеэўрапейскі лідарскі форум (ЎЭЛФ) адбыўся ў 2011 годзе. Ён з’яўляецца прадоўжваннем Эўрапейскага лідарскага форуму, які мае сур’ёзны ўплыў і традыцыю ў заходнеэўрапейскім хрысціянстве, яднаючы, рыхтуючы і забяспечваючы рэсурсамі евангельскіх лідараў для аднаўлення біблійнай царквы і евангелізацыі Эўропы. Ад свайго заснавання Форум стаў штогадовай падзеяй, якая ахоплівае таксама праекты на працягу года. Сёння каля 600 лідараў з Усходняй Эўропы з’яўляюцца часткаю ЎЭЛФ.

Усходнеэўрапейскі лідарскі форум – гэта платформа для евангельскіх лідараў з краін былога Савецкага Саюзу, дзе яны яднаюцца разам для здзяйснення Вялікага Даручэння Хрыста.

ЎЭЛФ арганізаваны служэнням Усходнеэўрапейская Рэфармацыя. Мара і бачанне нашага служэння – пабачыць як Бог змяняе народы Ўсходняй Эўропы праз біблійную Царкву. Мы хочам бачыць абноўленую царкву, якая заўзята і інавацыйна пашырае Евангелле ва ўсходнеэўрапейскіх народах, верная Пісанню, сведчыць пра Хрыста сваім святым жыццём, дае Божыя адказы на выклікі сучаснага свету.

Нашая мэта – дапамагчы царкве падняць узровень сваёй эфектыўнасці ў грамадстве.

Форум накіраваны на тое, каб падтрымаць евангельскіх лідараў праз тры ключавыя аспекты:

unity
Яднанне
Будаванне мастоў паміж рознымі евангельскімі асяродкамі і служэннямі для далейшай супрацы. Яднанне дазваляе дасягаць таго ўзроўня, які немагчыма дасягнуць уласнымі сіламі, якім бы добрым тое ці іншае служэнне не было.
group
Настаўніцтва
Дасведчаныя лідары дзеляцца сваім вопытам падчас лекцый, круглых сталоў, пропаведзяў і ток-шоу, а таксама ў прыватных нефармальных размовах. Штогод на Форуме прысутнічаюць 80 спікераў з розных краін свету.
research
Рэсурсы
Спрыянне праграмам, скіраваным на евангелізацыю краін Усходняй Эўропы і іхніх культур. Наш фокус — распаўсюдзіць разуменне Божай мадэлі палітыкі, патрыятызму, эканомікі, культуры, медыя і іншых сфер.
Усходнеэўрапейскі лідарскі форум – гэта:
12 тэматычных секцый
Больш за 90 спікераў
10 інфарматыўных ток-шоу
каля 120 тэм
6 пленарных сэсій
каля 400 удзельнікаў
а таксама: семінары, круглыя сталы, панэльныя дыскусіі, сумоўе...
Нашыя каштоўнасці – наш арыентыр

Дзейнасць служэння Ўсходнеэўрапейская Рэфармацыя, а таксама Ўсходнеэўрапейскага лідарскага форуму, абапірацца на выразную светапоглядную парадыгму, якую мы акрэслілі ў «10 пастулатах біблійнага светапогляду ў публічнай сферы»:

10 пастулатаў біблейскага светапогляду
ў публічнай сферы
1. Тэалёгія
  • - Мы выступаем за клясычную біблійную тэалёгію, якая адпавядае эвангельскай традыцыі, праверанай стагодзьдзямі і досьведам чалавецтва.
  • - Мы супраць лібэральнай тэалёгіі ў яе мадэрнісцкім ці постмадэрнісцкім фармаце, якая прывяла да глыбокага крызісу Царкву Заходняй Эўропы.
2. Мараль
  • - Мы за традыцыйную хрысьціянскую мараль, якая абапіраецца на дзесяць прыказаньняў. Менавіта яна фармавала ў нашай цывілізацыі разуменьне, што такое дабро, а што зло.
  • - Мы супраць маральнага рэлятывізму, наступстваў сэксуальнай рэвалюцыі і розных сьвецкіх этычных стандартаў, якія ўсё больш запаўняюць цэрквы.
3. Царква
  • - Мы акцэнтуем значэньне памеснай царквы, якая ўсьведамляе сябе часткай вялікага арганізму Царквы ўсяленскай.
  • - Мы супраць «царкоўнага эгацэнтрызму», што праяўляецца ў канкурэнцыі паміж цэрквамі і аб'яднаннямі цэркваў, як і супраць «царкоўнага касмапалітызму», калі асоба не належыць ні да якой памеснай царквы, аргументуючы гэта належнасцю да «ўсяленскай царквы».
4. Вера і розум
  • - Мы за інтэграцыю веры і розуму, паколькі чалавек створаны на вобраз і падабенства Мудрага Бога.
  • - Мы супраць антыінтэлектуалізму, які не дазваляе нам «любіць Бога ўсім разуменьнем сваім».
5. Грамадзтва
  • - Мы за адкрытасьць Царквы на грамадзкае вымярэньне служэньня, вызначэньня місіі Царквы, як солі і сьвятла для грамадзтва.
  • - Мы супраць мэнтальнасьці ізаляцыі, што падзяляе сьвет на «духоўнае» і «не-духоўнае».
6. Улада
  • - Мы верым, што інстытут улады на зямлі, у тымліку і дзяржава, устаноўлены Богам і мусіць быць адлюстраваньнем справядлівай улады Бога. Мы абавязаны падтрымліваць інстытут улады. Мы за грамадзянскую супольнасьць адукаваных, актыўных, адказных грамадзянаў, якія ўмеюць кантраляваць дзяржаўную ўладу.
  • - Мы супраць ерасі цэзарапапізму, якая зьяўляецца ідалапаклонствам і вядзе да фатальных наступстваў у жыцьці народаў, калі сьвецкая ўлада выкарыстоўвае Царкву ў сваіх маніпулятыўныя мэтах. Мы таксама супраць анархіі, якая вядзе да хаосу і зьяўляецца супраціўнай прыродзе Бога.
7. Патрыятызм
  • - Мы за патрыятызм, заснаваны на біблійных прыказаньнях: «палюбі бліжняга твайго, як самога сябе» і «шануй бацьку свайго і маці сваю» і які зьяўляецца праявай высакароднай любові да сваёй бацькаўшчыны.
  • - Мы супраць шавінізму, нацыяналізму, расізму, якія зьяўляюцца ідалапаклонствам. А таксама супраць касмапалітызму, што супярэчыць біблійнай задуме для народаў.
8. Эўропа
  • - Мы за эўрапейскі цывілізацыйны вэктар. Украіна і Беларусь з самага пачатку былі часткай эўрапейскай цывілізацыі, натхнёнай хрысьціянскімі каштоўнасьцямі. Мы верым, што ў Божым пляне нашы народы маюць унікальную місію ў эўрапейскай сям’і народаў.
  • - Мы супраць нездаровага мэсіянскага комплексу пра асаблівую славянскую чыстую духоўнасьць, якая сябе ставіць у процівагу «загніваючаму Захаду». У той жа час мы супраць ідэалёгіі сэкулярызму, якая апанавала эўрапейскую культуру і вядзе яе ў глыбокі крызіс сваёй тоеснасьці.
9. Камунізм
  • - Мы супраць утапічнай і антыгуманнай ідэалёгіі марксізму-ленінізму. Мы асуджаем камунізм і ўсе яго плады.
  • - Мы за пакаяньне ў грахах камунізму і ачышчэньне грамадзтва ад усіх яго наступстваў.
10. Постмадэрнізм
  • - Мы супраць разбуральнай ідэалёгіі постмадэрнізму, якая зьяўляецца вынікам цяжкой хваробы сучаснай цывілізацыі, хоць мы ўсьведамляем, што жывем у эпоху постмадэрну. Мы хочам даносіць эвангельскую вестку сьвету сёньня на зразумелай яму мове.
  • - Мы за вечныя каштоўнасьці ідэалу, дабра, прыгажосьці, і ўсякай гармоніі якая мае свой пачатак у Богу, Які стварыў гэты сьвет і чалавека на свой вобраз. Менавіта гэтыя вечныя каштоўнасьці будавалі хрысьціянскую цывілізацыю на працягу стагодзьдзяў.
За межамі форуму – іншыя праекты служэння

Біблійныя каштоўнасці, якія вызнае служэнне Ўсходнеэўрапейская Рэфармацыя, знаходзяць сваё пашырэнне праз актыўнае далучэнне ў медыйныя і асветніцкія праекты разнастайных напрамкаў.

Гэты сайт, старонкі ў Facebook (UA, RU, BY / EN) і канал на YouTube пашыраюць матэрыялы Форуму для забеспячэння хрысціяскіх служыцеляў каштоўнаю і практычнаю інфармацыяй.
Сайт, старонка, група та Youtube-канал праекта «Хрысціяне для Украіны» - гэта медыя-рэсурс, накіраваны як на хрысціян, так і на нехрысціян. Тут падымаюцца тэмы апалагетыкі, маралі, патрыятызму, культуры, палітыкі, эканомікі і іншых сфер, дзе хрысціяне пакліканыя ўплываць.
Шматвектарная навучальная праграма для пастароў і лідараў, што мае на мэце фармаванне цэласнага біблійнага светапогляду, характару і высокага ўзроўню прафесіяналізму хрысціян. Больш пра праект можна прачытаць тут.
Ва ўмовах таго, што вялікая колькасць сучасных украінскіх універсітэтаў знаходзіцца пад моцным уплывам нэамарксісцкіх ідэй, мы бачым мэтазгодным намагацца запранаваць студэнтам ідэйную альтэрнатыву - для гэтага мы запрашаем заходніх навукоўцаў з лекцыйнымі турамі па ўсёй Украіне.
Рэфармацыя ва Ўкраіне і нашыя праекты

З 2016 года служэнне «Усходнеэўрапейская Рэфармацыя» задзеяна ў шэраг ключавых праектаў Года Рэфармацыі (R500), сярод іншага, у ідэйным плане, бо вялікая колькасць базавага матэрыялу ўжо была распрацаваная ў Беларусі да святкавання 450-годдзя Рэфармацыі ў гэтай краіне.

З 2018 года мы актыўна далучыліся да Руху Рэфармацыі як працяг дзейнасці камітэтаў R500. Нашае служэнне здзяйсняе падтрымку функцыянавання аддзелу Рэфармацыі хрысціянскага лідарства, дзейнасць якога, у першую чаргу, палягае ў распаўсюджванні неабходных светапоглядных ведаў сярод хрысціянскіх лідараў, якія змогуць забяспечваць грамадска-актыўных членаў сваіх цэркваў неабходнаю пастарскай апекай. У гэтым напрамку мы пачалі пашырэнне навучальных матэрыялаў, а таксама развіваем праект «Школа Рэфармацыі» як навучальную платформу для лідараў.

Партнэрства – ключ да поспеху ў Божым Валадарстве
Мы шчыра ўдзячныя Богу за тую працу, якую Ён робіць праз Усходнеэўрапейскую Рэфармацыю і Ўсходнеэўрапейскі лідарскі форум. Мы надалей плануем працаваць на тым, каб пабачыць Царкву і народы Ўсходняй Эўропы рэфармаванымі і абноўленымі згодна з Божым Словам. Калі вы падзяляеце нашыя каштоўнасці і тую рэўнасць бачыць нашыя народы змененымі, вы можаце падтрымаць служэнне адным з наступных спосабаў:
Для рэзідэнтаў
ЗША:
Для рэзідэнтаў
Украіны:
Для неамериканских
і няўкраінскіх
рэзідэнтаў:

GBP
  • Bank Name:
    Raiffeisen Bank Polska SA, oddzial Gdansk
  • Address:
    Gdansk, Polska
  • Account Name:
    Fundacja “Wschodnioeuropejska Reformacja”
  • Account Address:
    80-394 Gdansk, ul. Kolobrzeska 30
  • Account Number GBP:
    09 1750 0012 0000 0000 2189 6624
  • SWIFT/SORT Code:
    RCBWPLPW
  • Routing Number:
    317500012
EURO
  • Bank Name:
    Raiffeisen Bank Polska SA, oddzial Gdansk
  • Address:
    Gdansk, Polska
  • Account Name:
    Fundacja “Wschodnioeuropejska Reformacja”
  • Account Address:
    80-394 Gdansk, ul. Kolobrzeska 30
  • Account Number GBP:
    09 1750 0012 0000 0000 2189 6624
  • SWIFT/SORT Code:
    RCBWPLPW
  • Routing Number:
    317500012